IBA Жаҳон чемпионатими ёки Россия биринчилиги? 13 рус боксчисидан 12 нафари финалда!

Айрим жангларда россиялик боксчиларга ён босилаётгани ҳақидаги хабарларга дуч келяпмиз. IBA Жаҳон чемпионати Умар Кремлёв томонидан ўтказилади ва асосан рус компаниялари томонидан молиялаштирилади. Мусобақада иштирок этаётган 13 россиялик боксчидан 12 нафари финалга йўл олди. 

Ҳа, рус чарм қўлқоп усталари кучли, таркибида жаҳон ва Европа чемпионлари бор. Аммо айрим жангларда ҳакамлар томонидан ён босиш ҳолатлари ҳам кўзга ташланаётгани айтилмоқда. Биргина 57 кг вазн тоифасидаги амалдаги Россия чемпиони Андрей Пегливанян 1/2 финалда қозоғистонлик Оразбек Ассилкуловга имкониятни бой бериб, жаҳон чемпионатининг бронза медали билан кифояланди.

Финалга йўл олган рус боксчилари:

-48 кг — Эдмонд Худоян;

-51 кг — Баир Батлаев;

-54 кг — Вячеслав Рогозин;

-60 кг — Всеволод Шумков;

-63,5 кг — Илья Попов;

-67 кг — Евгений Кооль;

-71 кг — Сергей Колденков;

-75 кг — Исмаил Муцольгов;

-80 кг — Жамбулат Бижамов;

-86 кг — Шарабутдин Атаев;

-92 кг — Муслим Гаджимагомедов;

+92 кг — Давид Суров.