14 авг 16:14
Янгиликлар

Теннис

Ига Свёнтек Цинциннати WTA 1000 турнири 1/4 финалида ўйнайди

Дунёнинг учинчи ракеткаси Ига Свёнтек Цинцинаттида давом этаётган WTA 1000 тоифасига кирувчи турнирнинг 1/4 финалчисига айланди.

Польшалик теннис маликаси тўртинчи даврада WTA рейтингида 138-поғонада бораётган руминиялик Сорана Кирстяни 6/4, 6/3 ҳисобида мағлубиятга учратди. Теннисчиларнинг ўзаро учрашувларидаги ҳисоб 5:0 кўринишига келди.

Тўқсон беш дақиқа давом этган баҳсда Свёнтек 1 та эйс, 5 та брейк қайд этиб, 2 та қўшхатога йўл қўйди. Иганинг 1/2 финал чиптаси учун кечадиган учрашувдаги рақибас Анна Калинская бўлади. Анна рус дербисида ватандоши Екатерина Александровадан 3/6, 7/6(5), 6/1 ҳисобида устун келди.