UZ

Сўнгги янгиликлар

14:08Жасур Алижанов Маҳмуд Мурадовнинг навбатдаги жангида ҳам мураббийлик қиладими? 0 13:47Яхши янгилик: UFC видео-ўйинида илк бор ўзбекистонлик жангчи пайдо бўлиши мумкин 0 13:39"Great Silk Way-2024". Баҳодир Жалолов иштирокидаги финал жанги ўтказилмайди 0 13:26Футзал. Терма жамоамиз бугун Қирғиз Республикасига қарши баҳс олиб боради 0 13:03Янник Синнер Майами "Мастерс" 1/2 финалида 0 12:42Жонни Уокер ҳамюртимизнинг собиқ рақибига қарши жанг қилади 0 12:21Ўзбекистонлик спортчилар оиласида туғилган фигурали учувчи жаҳон рекордини ўрнатди 0 12:00Хави "Барселона"да қолиши мумкин, лекин бош мураббий сифатида эмас! 0 11:39Александрова Майами WTA-1000 турнири 1/2 финалига чиқди 0 11:18Ўзбекистон терма жамоасининг 11 нафар боксчиси финалга йўл олди. Қозоғистон ва Россияданчи? 0 10:57Шоҳжаҳон Эргашевнинг эртанги жанги Ўзбекистонда трансляция қилинадими? 0 10:36Месси футболдан ташқари яна қайси спорт турларига қизиқишини айтди 0 10:15Шара Буллет ҳам Саудиядаги UFC турнирида жанг қилади. Унинг рақиби эълон қилинди 0 09:54Даниил Медведев чемпионлик ҳимоясини давом эттирмоқда 0 09:33Расман. UFC Хамзат Чимаевнинг навбатдаги рақиби, жанг санаси ва манзилини эълон қилди 0

11 май 16:02
Янгиликлар

Футбол

Игнатий Нестеров ОФК сўровномасида учинчи бўлди

Теглар :  ФутболНестеров
ОФК сайти 2016 йилги мавсум Осиё чемпионлар лигасига бағишлаб энг яхши дарвозабонни аниқлаш мақсадида сўров ўтказди.

Сўровномада беш нафар дарвозабон иштирок этди. Булар - Халед Эйса ("Ал Айн"), Муҳаммад Рашид Мазаҳери ("Зобаҳан"), Игнатий Нестеров ("Локомотив"), Шусаку Нишикава ("Урава Редс") ҳамда Ведран Янйетович ("Сидней" ФК). 

Мазкур сўровномада тажрибали посбон Игнатий Нестеров учинчи ўринни эгаллади. Сўровда иштирок этган 42,446 мухлисдан 64 фоизи эронлик дарвозабонга овоз берган. Натижада Муҳаммад Рашид Мазаҳери ҳеч қандай рақобатсиз биринчи бўлди. 

БАА терма жамоаси дарвозабони Халед Эйса 27 фоиз овоз йиғиб иккинчи ўринни эгаллади. Игнатий Нестеров эса 5 фоиз овоз билан учинчи бўлди. Шусаку Нишикава 3 фоиз тўплаб тўртинчи ўринни эгаллаган бўлса, австралиялик дарвозабьон Ведран Янйетович 1 фоиз овоз билан охирги ўринда қолди.


Энди дарвозабонларнинг 2016 йилги ОЧЛ кўрсаткичларини келтириб ўтсак:

Халид Эйса ("Ал Айн") - 14 учрашув, -13 гол, 5та қуруқ серия

Муҳаммад Рашид Мазаҳери ("Зобаҳан") - 8 ўйин, -5 гол, 5та қуруқ серия.

Игнатий Нестеров ("Локомотив") - 10 ўйин, -5 гол, 5та қуруқ серия. 

Шусаку Нишикава ("Урава Редс") - 8 ўйин, -7 гол, 4та қуруқ серия. 

Ведран Янйетович ("Сидней" ФК) - 8 ўйин, -7гол, 3та қуруқ серия.

Маълумки, 2016 йил "Локо" учун Осиё чемпионлар лигасидаги энг омадли мавсум ҳисобланади. "Темирйўлчилар" шу йили чорак финалга қадар бориб, Игнатий Нестеров энг яхши ўйинчилардан бири бўлганди. 

Айтиш мумкинки, ўша йил "Локомотив" Эрон клуби "Зобаҳан"га нисбатан бирмунча яхши иштирок этган. Лекин эронлик дарвозабоннинг биринчи ўринни олиши кутилмаган ҳолат эмас.

Гап шундаки, ОФК ўтказадиган сўровномаларда эронлик мухлислар жуда фаол иштирок этишади. Агар сўровда "Зобаҳан" дарвозабони эмас, балки "Локо" билан бир гуруҳда курашиб гуруҳдан чиқа олмаган "Сепахон" дарвозабони бўлганида ҳам барибир бирни оларди.

Чунки ОФК сўровномаларида овоз бериш бўйича Вьетнам ва Эрон олдига тушадигани йўқ. Ўзбекистонлик мухлислар учун эса барибир Игнатий Нестеров биринчи рақамли бўлиб қолаверади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг