20 мар 15:39
Янгиликлар

Дзюдо

IJF тақвимидаги Учқун Муродов турнирига тайёргарлик давом этмоқда ФОТОРЕПОРТАЖ

Икки йиллик танаффусдан сўнг Учқун Муродов хотирасига бағишлаб ўтказиб келинаётган халқаро мусобақа яна ташкил этилади.

1995 йилдан бери мунтазам равишда ташкил этиб келинган ушбу хотира турнири пандемия сабаб 2019 ва 2020 йилларда ўтказилмади. Бу йилги турнир 5-8 апрел кунлари пойтахтимиздаги "Универсал" спорт саройида бўлиб ўтади. 5-6 апрел кунлари кадетлар (2005-2007), 7-8 апрел саналарида ёшлар (2002-2007) ўртасида ғолиб ва совриндорлар аниқланади.

Ҳозирда терма жамоамиз Халқаро дзюдо федерацияси (ИЖФ) тақвимидан ўрин олган ушбу мусобақага тайёргарликни давом эттираяпти. Ёшларимиз машғулотда катталар терма жамоаси аъзолари билан бирга шуғулланишди.

Ҳозиргача Грузия, Қозоғистон, Қирғизистон, Тожикистон каби ўндан зиёд давлат терма жамоалари Учқун Муродов хотира турнирида қатнашиш истагини билдиришган.