IKA Бошқарув йиғилишида 20 га яқин масалалар кўриб чиқилди

Тўрт соат давом этган йиғилишда дунё курашига оид 20 га яқин масалалар муҳокама қилинди. Ҳисоботлар тингланди, келгусидаги фаолият бўйича режа ҳамда мақсадлар белгилаб олинди. Юзага келган муаммоли ҳолатларни бартараф этиш бўйича аниқ манзилли қарорлар қабул қилинди.

IKA Президенти Ҳайдар Фармон раислигида ўтган йиғилишда IKA вице-президентлари, қитъавий конфедерациялар президентлари, Бошқарув аъзолари, IKA Администрацияси ва кураш ватани вакиллари иштирок этди.

Дастлаб, йиғилишни IKA Президенти очиб берди. Бир неча кун аввал Буюк Британиянинг Бирмингем шаҳрида муваффақиятли тарзда ўтказилган SportAccord 2024 халқаро бизнес ва спорт саммитидади Курашнинг тақдимоти ҳақида маълумот берди. Анъанага кўра йиғилиш кун тартиби тасдиқланди. 

Шундан сўнг Африка, Осиё, Европа ва Панамерика қитъасининг Кураш конфедерациялари Президентларининг 2024 йилги мусобақалар тақвим режаси бўйича ҳисоботлари тингланди. Халқаро Кураш институти томонидан олиб борилаётган фаолият, мураббийлик ва ҳакамлик семинарлари тақдимот қилинди.

Шундан сўнг IKA Бош котиби Муҳаммад Реза Нассирий томонидан Осиё қитъасидаги Жанубий Осиё ва Жанубий Шарқий Осиё чемпионатлари, уларнинг юқори даражада ташкил этиш ва мусобақалар доирасида кураш яктаклари ва гиламларини тақдим қилиш масалалари бўйича ҳисобот тақдим этилди.

Ижроия қўмита кун тартибидани навбатдаги масала бўйича IKA вице-президенти Зиёвиддин Хожиниёзов томонидан халқаро мактаб ўйинлари, Ислом бирдамлик ўйинлари каби нуфузли спорт ўйинлар Дастуридан жой олиш борасидаги олиб борилаётган музокаралар ҳақида ўз фикрларини билдирди.

Шунингдек, йиғилиш давомида ҳакамлик, курашчилар вазнлари, миллий федерациялардаги паралел фаолият, IKA аъзолиги ва тан олиниш каби бир қанча муаммоли ҳолатлар муҳокама қилинди.

Бундан ташқари  йиғилишда, Ўзбекистон Кураш федерацияси раиси ёрдамчиси Сардор Каримов томонидан Жаҳон профессионаллар серияси мусобақасининг 2024 йилда ўтказилиши бўйича ҳисоботи тақдим этилди.

Йиғилиш самимий руҳда якунланди ва IKA Президенти барча иштирокчиларга ўз миннатдорчилигини билдирди.