25 апр 11:10
Янгиликлар

Теннис

Икки кундан кейин 17 ёшга тўладиган Мирра Андреевада иродали ғалаба

Испания пойтахти Мадрид шаҳрида теннис бўйича WTA 1000 тоифасига кирувчи турнир бўлиб ўтмоқда.

Дунёнинг 43-ракеткаси бўлиб турган Мирра Андреева нуфузли мусобақадаги иштирокини қийин ғалаба билан бошлади. Икки кундан сўнг 17 ёшга тўладиган россиялик иқтидор эгаси WTA рейтингнинг 58-поғонасидан жой олган америкалик Тэйлор Таунсендни уч сет натижасига кўра мағлубиятга учратди - 4/6, 6/1, 7/5.

Бу теннисчиларнинг ўзаро ўтказган илк учрашуви эди. Мирра 2 соату 11 дақиқа давом этган баҳсда 3, Таунсенд эса 4 та эйс зарбани амалга оширган. Қўшхатолар Андреевада кўпроқ бўлди - 3 га 2. Брейклар бўйича устунлик ҳам россиялик истеъдод томонида - 6 га 4. Ҳал қилувчи учинчи сетда Мирра 1/4 ҳисобида бой бераётганини ҳам таъкидлаш жоиз бўлса керак. Энди у иккинчи босқичда чехиялик Линда Носковага қарши кортга чиқади.