Икки теннисчимиз Қайсеридаги юришини ғалаба билан бошлади

Ушбу мусобақада ўзбекистонлик икки теннисчи - Максим Шин ва Амир Милушев ҳам ўз имкониятини синаб кўряпти. Мамлакатимизнинг учинчи ва тўртинчи ракеткалари турнирдаги иштирокларини ғалаба билан бошлаб олишди. 

Амир Милушев 1/16 финалда мусобақанинг иккинчи ракеткаси, ATP рейтингида 674-ўринни эгаллаб турган германиялик Нино Эхреншнейдерни 6/3, 7/6(3) ҳисобида мағлуб этиб, кичик шов-шув сабабчига айланди. Милушев рейтингнинг 1420-поғонасидан жой олган. 

Ўзбекистоннинг учинчи ракеткаси ҳисобланган Максим Шин эса илк босқичда испаниялик Бернардо Месани қийинчилик билан уч сет натижасига кўра мағлубиятга учратди - 7/6(3), 2/6, 6/4.