07 июн 15:49
Янгиликлар

Бокс/ММА

Икки вазн UFC чемпиони бугунги жанги учун қанча гонорар олди?

Хабар берганимиздек, бугун тонгда Лас-Вегас шаҳрида UFC 250 турнири бўлиб ўтган эди.

Оқшомнинг марказий жанги иштирокчиси, икки вазнда амалдаги UFC чемпиони Аманда Нуньес канадалик даъвогар Фелисия Спенсерга қарши октагонга кўтарилди ва рақибасини очколар ҳисобига кўра мағлубиятга учратди.

Ярим енгил вазн тоифасидаги чемпионлик камарини ҳимоя қилган бразилиялик спортчи бугунги ғалабасидан умумий 450 минг доллар ишлаб олди. Шундан 350 минг доллари унинг соф гонорари бўлса, қолган 100 минги ғалабаси учун тақдим этилди. Мағлубиятга учраган Фелисия эса 200 минг долларга эга бўлди.