Илҳом Баҳромов РОЗК тарбияланувчиларига маҳорат сабоқлари ўтказди

Юнон-рум кураши бўйича Ўзбекистон терма жамоаси аъзоси, ўсмирлар Олимпиадаси ғолиби, Осиё чемпиони, жаҳон чемпионатининг кумуш медали совриндори Илҳом Баҳромов Республика олимпия захиралари коллежи тарбияланувчилари билан учрашди.

Баҳромов бир пайтлар ўзи таҳсил олган, юнон-рум кураши сир-асрорларини ўрганган спорт масканида ёш "классиклар"га маҳорат сабоқларини намойиш этиб берди. Ёш курашчилар ўзларини қизиқтирган саволларга жавоб олишди. Ўз ўрнида Илҳом Баҳромов ғалабани сири фақат тинимсиз меҳнатда эканлигини урғулади ва укаларига бўлажак мусобақаларда омад тилади.