Илия Топурия Жастин Гэтжидан қабул қилган мағлубиятига илк бор изоҳ берди

"Жастин, табриклайман. Юзимда из қолдиришингни айтгандинг. Биринчи раунддаёқ ўнг кўзимни, иккинчи раунд охирида эса чап кўзимни кўр қилиб қўйдинг. Ҳеч қандай баҳона йўқ. Ҳаётимдаги энг яхши машғулотлардан бирини ўтказдим. Мен жангга аъло даражада, яхши тайёргарлик кўрган ва тўлиқ тайёр ҳолда кирдим. Кечаги оқшом сеники эди. Бу ўйиннинг табиати шундай. Шон-шуҳрат ва дард доимо ёнма-ён юради. Мен тузалиб кетаман. Дам оламан. Кучлироқ, ақллироқ ва анча хавфлироқ бўлиб қайтаман. Ишон менга, ҳикоямиз ҳали тугамади. Биз албатта реванш оламиз", - деб ёзди испания-грузиялик жангчи ижтимоий тармоқдаги саҳифасида.

Эслатиб ўтамиз, Оқ уй яқинидаги UFC Freedom 250 турнирининг асосий жангида "El Matador" енгил вазн тоифасидаги чемпионлик камарини бой бериши ортидан фаолиятидаги илк мағлубиятини ҳам қабул қилиб олганди.