22 дек 15:53
Янгиликлар

Бокс/ММА

Илия Топурия: "Мен Маддалена эмасман. Махачевни ўнг қўлим билан урсам, уйқуга кетади"

Енгил вазн тоифасида UFC чемпиони Илия Топурия ярим ўрта вазнда UFC чемпиони россиялик Ислам Махачев учун энг хавфли рақиб эканига ишонч билдирди.

"Ҳаммага аёнки, мен ва Махачев ўртасидаги жангни ҳамма кўришни хоҳлайди ва негадир Ислам уни қабул қилмади. Кейин жуда кўп гапиради. Минглаб километр масофадан туриб гапириш ва мени танқид қилиш жуда осон.

Лекин мен октагонга кирганимда, Жек Делла Маддалена эмаслигимни, Дэн Хукер ҳам эмаслигимни, умуман сиз учрашган йигитларнинг ҳаммаси эмаслигимни тушуна бошлайсиз. Мен бутунлай бошқачаман, ўнг қўлим билан зарба берганимда, сени жуда-жуда узоқ уйқу кутаётганини кўрасан", - дея Топуриянинг сўзларини келтиради Х ижтимоий тармоғидаги Red Corner MMA аккаунти.