06 окт 11:38
Янгиликлар

Бокс/ММА

Илия Топуриянинг илк ҳимоя жанги учун рақиб берилди. Дана ҳам буни тасдиқлади

Июнь ойида вакант бўлган UFC енгил вазн тоифасидаги чемпионлик камарини қўлга киритган Илия Топурия илк ҳимоя жанг устида иш бошланди.

Режа бўйича испаниялик аралаш яккакураш устаси январь ойида Лос-Анжелесда ташкил этиладиган UFC турнирида ўз жангини ўтказади. Унинг рақиби рейтингда кучли бешликни якунлаб турган америкалик Жастин Гэтжи бўлади. Бу ҳақда Илиянинг жамоасига яқин бўлган спорт шарҳловчиси Альваро Колменеро маълум қилди.

"UFC янги телевизион шартномани январь ойида Лос-Анжелесда бўлиб ўтадиган Илия Топуриянинг жанги билан бошламоқчи. Бу жангда рақиб Жастин Гэтжи бўлади", - деди мухбир Eurosport эфирида.

Лига раҳбари Дана Уайт ушбу маълумотни билвосита тасдиқлаб, Лас-Вегасда бўлиб ўтган матбуот анжуманида ташкилот январь ойида Paramount медиа-конгломерати билан етти йиллик ҳамкорликни бошлайдиган улкан шоу тайёрлаётганини маълум қилди. Ташкилот тақвимига кўра, ушбу шоу UFC 324 рақамли турнири бўлади.