09 фев 16:30
Янгиликлар

Бокс/ММА

"India Open"да совриндор бўлган боксчиларимиз Ўзбекистон ҳукумати томонидан тақдирланди

Хабарингиз бор, 28 январь - 1 февраль кунлари Ҳиндистоннинг Нью-Дели шаҳрида бокс бўйича халқаро турнир ўтказилди.

Ушбу мусобақада Ўзбекистон терма жамоаси боксчилари 5та олтин, 2та кумуш медалини қўлга киритиб, умумжамоа ҳисобида биринчи ўринни эгаллагандилар.

Ўзбекистон адлия вазирлигининг Телеграмдаги каналида маълум қилинишича, мусобақада иштирок этган боксчи ва мураббийлар 25 миллиондан 12 миллион сўмгача пул маблағлари билан мукофотланган.

Хабарда, қайси спортчи қанча пул мукофоти олгани аниқ эълон қилинмаган.

Эслатиб ўтамиз, мазкур турнирда Бобоусмон Ботуров, Исроил Мадримов, Худойназар Файзов, Абдулҳай Шораҳматов ва Баҳодир Жалоловлар олтин медаль соҳибига айлангандилар. Санжар Турсунов ва Иқболжон Холдоровлар финалгача етиб бориб, кумуш медаль билан кифояланганди.