Индиан-Уэллс турнирининг wild card соҳиблари маълум бўлди

Wild card имтиёзли йўлланма бўлиб, теннисчига мусобақанинг асосий тўғрида тўғридан-тўғри қатнашиш ҳуқуқини беради. 

Америкаликлар - Рейлли Опелка, Дональд Янг, Жаред Дональдсон, сербиялик Ласло Жере ҳамда канадалик Феликс Ожега BNP Paribas Open турнирининг эркаклар ўртасидаги баҳслари wild card йўлланмасига эга бўлишди. 

Аёллар ўртасидаги мусобақанинг асосий тўрида кортга чиқиш имтиёзини эса Аманда Анисимова, Сачия Викери, Женнифер Брэди, Тэйлор Таунсенд, Мэдрисон Бренгл, Жессика Пегула, Бьянка Андреескулар қўлга киритишди. 

Турнирнинг квалификация, яъни саралаш баҳсларида wild card йўлланмаси билан Кристофер Юбэнкс, Маркос Хирон, Митчелл Крюген, Жей-Жей Вульф ва Эван Сонг, аёллардан - Франческа ди Лоренцо, Элли Киик, Кэтрин Макнэлли, Эшли Крэтцер ҳамда Зое Крюгер ҳаракат қилади.