16 сен 11:10
Янгиликлар

Бокс/ММА

Иноуэ — Аҳмадалиев жангидаги зарбалар статистикаси эълон қилинди

Compubox таҳлилий тизими иккинчи энг енгил вазн тоифасида мутлақ жаҳон чемпиони Наоя Иноуэ ва ўзбекистонлик Муроджон Аҳмадалиев ўртасидаги жангдан зарбалар статистикасини тақдим этди.

14 сентябрь куни ўтказилган жанг тўлиқ 12 раунд давом этиб, унда Иноуэ 118-110 (х2) ва 117-111 ҳисобида ғалаба қозонганди.

Compubox статистика маълумотларига кўра, япониялик боксчи зарбалар сони бўйича ҳамюртимизни сезиларли даражада ортда қолдирган.

Иноуэ жанг давомида 585 та зарба берган, шундан 141 таси аниқ, Аҳмадалиев ҳисобида эса 376 та зарба, 62 таси аниқ.