13 май 10:42
Янгиликлар

Теннис

Internazionali BNL d'Italia. Соболенконинг WTA 1000 турнирларидаги 90-ғалабаси!

Италия пойтахти Рим шаҳри теннис бўйича WTA 1000 тоифасига кирувчи турнирга мезбонлик қилмоқда.

Сайёрамизнинг иккинчи ракеткаси Арина Соболенко мусобақанинг тўртинчи давра иштирокчисига айланди. Беларуслик теннис маликаси учинчи босқич баҳсида WTA рейтингида 33-поғонадан жой олган украиналик Даяна Ястремскаяни ортиқча қийинчиликсиз мағлубиятга учратди - 6/4, 6/2.

Эътиборлиси, Арина ўзаро учрашувларда илк бор Даянадан устун келди - 1:3. Саксон саккиз дақиқалик учрашувда Соболенко 1, Ястремская 2 та эйс зарбасини амалга оширган. Қўшхатолар украиналик теннисчида кўпроқ бўлди - 4 га 3. Беларуслик теннисчи WTA 1000 турнирларидаги 90-ғалабасини тантана қилди.