02 апр 12:26
Янгиликлар
Иқболжон Холдаров: "Аввало чиройли жанг кўрсатмоқчиман"
"Ҳар бир боксчининг орзуси - профессионал рингда жанг қилиш. Аввалига, украиналик боксчига қарши рингга чиқишим керак эди, бироқ у жанг қилишга рози бўлмаган. Танзаниялик рақибим кечроқ аниқ бўлди. Аввал ҳам айтганман, менга рақиб кимлиги муҳим эмас. Чунки мен рингда ўз тактикамни кўрсатаман. Бу жангдан сўнг "Мир Бокса" билан шартнома қиламан, кечани кузатиш учун Андрей Рябинский ҳам ташриф буюрган, унинг устига ўз ота-онам, яқинларим, мухлисларим қаршисида рингга чиқаман. Буларнинг барчаси икки баравар масъулият юклайди. Россия ва Қозоғистоннинг биринчи рақамли боксчилари билан спарринглар ўтказиб, ўзимизга етарли даражада тажриба тўпладик. ИншаАллоҳ, ҳаммасини рингда кўрсатамиз. Олдимда турган биринчи мақсад шу жангни чиройли ғалаба билан якунлаш.
Жанг қилиш услубим проф боксга мос келадими? Тўғрисини айтсам, мен ҳеч қачон услубим мос келадими, йўқми деб ўйламаганман. Чунки қолган ҳамма боксчилар: чемпионлар ҳам, биз каби одам. Ортиқ жойи ҳам, кам жойи ҳам йўқ. Улар қилган ишни биз нега қила олмаймиз? Керак бўлса, чемпионлардан ҳам зўр бўла оламиз. Олимпиадада иштирок этиш ниятим ҳали ҳам бор. Чунки мен ёшман, кейинги Олимпия ўйинларида айни кучга тўлган ёшда бўламан. 3 апрелда аввало, чиройли жанг кўрсатмоқчиман, нокаут қилишга ҳаракат қиламан. Жанг учун 7-8 кг вазн ташладим. Мени рингга Абдувоҳид Жалолов, Тўлқин Қиличев, Раҳматжон Рўзиохунов олиб чиқади”, - деди журналистлар саволларига жавоб берар экан.
Сарвиноз РАХМОНҚУЛОВА ёзиб олди.
Фикрлар