Иқболжон Холдоров: "Рақиб кимлиги мен учун муҳим эмас"

"Худо хоҳласа, 3 апрелда бўладиган жангимга жудаям кўтаринки кайфиятда тайёргарлик кўрдик. Тўғрисини айтсам, мен бу жангни кўп кутдим. Гапларим кўп, лекин ҳозир уларни тасвирлашни иложи йўқ. Насиб бўлса, ҳаммасини рингда кўрсатиб беришга ҳаракат қиламан.

Машғулотларда ўз услубимда ишлашга кўпроқ эътибор қаратдик. Рақиб кимлиги мен учун муҳим эмас. Мен учун асосийси - мухлисларимга ёқадиган шоу кўрсатиш. Ўз юртимда рингга кўтарилиш, унинг устига дебют жангда... Бу мен учун катта шараф ва менга куч бағишлайди", - деди Холдоров мухбиримиз билан суҳбатда.

Эслатиб ўтамиз, истеъдодли боксчимиз ўша кунги жанг оқшомида украиналик 20 ёшли Володимир Хордиенко билан 6 раундлик жанг қилади. Хордиенко шу кунгача проф боксда 11марта рингга чиққан. 8 та ғалабага эга ва 3 марта мағлубиятга учраган.

Сарвиноз РАХМОНҚУЛОВА суҳбатлашди