Ирода намойиш этган Медведев Якуний АТР турнири ғолиби бўлди

Ҳал қилувчи финал учрашувида дунёнинг тўртинчи ракеткаси бўлиб турган россиялик Даниил Медведев рейтингда ўзидан бир поғона юқорида турган австриялик Доминик Тимга қарши кортга чиқди ва иродали ғалабага эришди - 4/6, 7/6(2), 6/4.

Икки соату 42 дақиқа давом этган баҳсда 24 ёшли Даниил 12 та, 27 яшар Тим эса 6 та эйс зарбасини амалга оширди. Россиялик теннисчи ўзаро учрашувлардаги ҳисобни қисқартиришга ҳам муваффақ бўлди - 2:3.

Nitto ATP Finals турниридаги муваффақиятли иштирок Медведега $1,564,000 мукофот пули ҳамда 1500 рейтинг очкосини тақдим этди. Бу унинг фаолиятидаги тўққизинчи соврин бўлди. Даниил 2009 йилдан буён Якуний турнирда ғолиб чиққан илк россияликка айланди. Ўн бир йил олдин Николай Давиденко ушбу вазифани уддалаганди.