Иштирокини омадсиз бошлаган Синдаров Chess Classic Romania 2026`ни совриндор сифатида якунлади

Мусобақада юқори рейтингга эга ўн нафар гроссмейстер бош соврин учун кураш олиб борди. Улар орасида "Номзодлар турнири" ғолиби Жавоҳир Синдаров ҳам бор эди. Ҳамюртимиз сўнгги 9-турда оқ доналарда америкалик Уэсли Со билан дуранг ўйнади. Турнирни омадсиз бошлаган ҳамюртимиз кетма-кет икки ғалаба эвазига якунда совринли 3-ўринни эгаллади. 

Мусобақа ғолиблиги Жавоҳирга ютқазган германиялик Винсент Кеймерга насиб этди. У сўнгги турда оқ доналарда нидерландиялик Йорден ван Форестни мағлубиятга учратди ва якка пешқадам сифатида мусобақа чемпионига айланди. Иккинчи ўрин Фабиано Каруанага насиб этди. Жавоҳир Синдаров ва Уэсли Со учинчи ўринни ўзаро бўлишиб олишди. 

Жавоҳир Синдаров мусобақадаги иштирокидан 42 500 АҚШ доллари ишлаб олди. Чемпион Винсент Кеймер кафолатланган 100 000 доллар ва қўшимчасига 31 000 доллар бонусга эга бўлди. Иккинчи ўрин соҳиби 65 000 долларга эга чиқди.