Ислам Махачев Арман Царукяннинг "вызов"ига "ответ" қилди

Махачев ватандошининг чорловига жавобни узоқ куттирмади ва Царукянга реванш беришга тайёр эканини билдирди. Фақат бунинг учун UFC промоушени Арманни чемпионлик камари учун расмий даъвогар деб эълон қилиши лозим. 

"Агар раҳбарият уни кейинги рақибим сифатида белгилайдиган бўлса, нима учун йўқ дейишим керак. У менинг исм-шарифим орқали пул ишлашни ўйлаяпти. Унга маслаҳатим - ўз жангларининг ва ҳаракатинг билан бунга эриш. Унинг сўзларини баҳоламайман, чемпионлик жанги беришмагунча ҳаракатдан тўхтамасин", - деди доғистонлик журналистлар билан суҳбатда Махачев. 

Шунингдек, Ислам кейинги рақиблари ҳақидаги саволга ҳам жавоб берди. 

"Чарльз Оливейра кейинги рақибим бўладими, ҳозир буни аниқ айта олмайман. Менимча, Жастин Гэтжи ва Дастин Порье жангини кутиш керак. UFC ҳаммасини ҳал қилади. Ўзимга қолса, рўйхатда Оливейра эмас, бошқа янги жангчи бўлса яхши эди. Менда рақиб танлаш имконияти йўқ", - деди Ислам.