17 июл 10:41
Янгиликлар

Бокс/ММА

Ислам Махачев эртанги жанги олдидан тарозига чиқди + ФОТО

АҚШнинг Невада штати Лас-Вегас шаҳрида UFC Vegas 31 турнири иштирокчиларини тарозидан ўтказиш маросими ташкил этилди.

Тошкент вақти билан эртага тонгда ўтказиладиган оқшомнинг марказий жанги россиялик Ислам Махачев ҳамда бразилиялик Тиаго Мойзес ўртасида бўлиб ўтади. Ҳар икки жангчи ҳам белгиланган вазн меъёрини бажаришди. Махачев 70,53 кг, унинг рақиби 70,76 кг тош босди.

Маълумот учун, айни пайтда Ислам Махачев UFC енгил вазн тоифаси рейтингида 9, Тиаго Мойзес эса 14-ўринни эгаллаб турибди. Исламнинг ғалабали серияси 7 та жангдан иборат. Хабибдан кейин бразилиялик Чарльз Оливейра ушбу вазн чемпиони бўлиб турибди. Эртанги жангда айнан Хабиб Нурмагомедов Исламнинг бурчагида секундантлик қилади.