Ислам Махачев: "Икки жангчини UFC`да кутяпман"

Гап Усман Нурмагомедов ва ирландиялик Пол Хьюз ҳақида кетмоқда. Яқинда бу икки аралаш яккакураш устаси Дубайда ўтган PFL турнирида ўзаро октагонда тўқнаш келишганди. Реванш мақомидаги жангда Усман ғалаба қозониб, ўз камарини муваффақиятли ҳимоя қилган эди. 

"Улар ажойиб йигитлар ва мен уларни UFC’да кутаман. Улар бу ерга келишлари керак. Иккаласининг ҳам маҳорати зўр, савияси жуда юқори. Усман учун жуда хурсандман. У дунёнинг энг кучли Лигасига келиши ва навбатдаги UFC чемпиони бўлиши керак", - дея Махачевнинг сўзларини келтиради Red Corner MMA.

Эслатиб ўтамиз, Ислам Махачев 15 ноябрь куни Нью-Йорк шаҳрида бўлиб ўтадиган UFC 322 турнирининг асосий жангида австралиялик Жек Делла Маддаленадан ярим ўрта вазн тоифасидаги чемпионлик камарини тортиб олишга уриниб кўради.