Ислам Махачев Жек Делла Маддаленадан кейинги рақибни айтди

Агар шу ҳафта охирида Жек Делла Маддалена устидан ғалаба қозонилса, Ислам Махачев ярим ўрта вазн тоифасида UFC чемпионлик камарининг биринчи ҳимоясини Камару Усманга қарши ўтказишга тайёр бўлади.

"Жекдан кейин, менимча, Камару бўлиши керак. Усман ярим ўрта вазн дивизионида энг кўп титул ҳимоясига эга ва у ҳозирда яхши позицияда. Камару ҳозир рейтингда нечанчи ўринда экани ростдан ҳам эсимда йўқ", - деди россиялик жангчи Эйдин Россга берган интервьюсида.

Ярим ўрта дивизионда кучли бешликни якунлаб турган Камару Усман 15 ноябрь куни Нью-Йоркда бўлиб ўтадиган UFC 322 турнирида зафар қучадиган чемпионлик баҳси ғолибига қарши жанг ўтказишга умид қилаётганини маълум қилди.

"Бутун диққат-эътиборим шу дам олиш кунларига қаратилган. Ким ғолиб чиқишини кўрамиз. Ҳозир менга энг катта ва энг қийин жанглар керак. Мен захирамда яна йигирмата жанг йўқлигини тушунаман, шунинг учун агар чемпионлик жанги бўлса - мен айнан шуни хоҳлайман", - деди собиқ дивизион чемпиони MMA Junkie нашрига берган интервьюсида.