Ислам Махачев Жон Жонс - Даниэль Кормье тўқнашувига башорат берди

Агар ушбу кураш беллашуви ташкил этилса, Ислам Махачев бу қарама-қаршиликда жамоадошини фаворит сифатида кўради.

"Бу шундай қарама-қаршиликки, фақат курашда Кормье Жон Жонсни ўзига тортиб, мағлуб этиши мумкин. Ҳа, Жон Жонс ҳам яхши курашади, лекин кураш - бу Кормьенинг ҳудуди ва у олимпия даражасидаги йигит. Бу катта даража", - деди Махачев.

Ушбу кураш беллашувини Real American Freestyle лигаси ташкил этиши мумкинлиги ҳақида аввалроқ Даниэль Кормьенинг ўзи маълум қилганди.

"Сиз мени ва Жон Жонсни "Real American Freestyle" лигасида кўрасиз ва мен уни сиз тасаввур ҳам қила олмайдиган тарзда йўқ қиламан. Биласизми нега? Мен ҳали ҳам машғулот залидаман. Мен ҳар куни курашчиларни тайёрлайман", - деди собиқ UFC чемпиони Кормье Бен Аскрен билан YouTube’даги каналида суҳбатлашар экан.

Маълумот учун, кеча Даниэль Кормье ва Жон Жонс бир-бирларига қарши ўз жамоаларининг бош мураббийи сифатида "Alf Reality" жанговар телелойиҳасининг учинчи мавсумида иштирок этиши маълум бўлганди.