Ислам Махачев — Камару Усман ҳақида: "У ҳали ҳам яхши формада"

— Сен Камару, 38 ёшда бўлса ҳам, Моралес ва Пратесни "босиб кетади", дединг. Нима учун?

— Тажриба кўп. Камарунинг сўнгги жангини кўрдингиз, у Баклини ютди. У ҳам даъвогар эди, унга катта умидлар боғланганди, лекин Камару уни "босиб ўтди" ва ҳаммаси унутилди. Худди шу ҳолат бу йигитлар билан ҳам бўлади. Улар ҳали ёш. Ўйлайман, Камару тажриба ҳисобига уларни ҳам "босиб ўтади".

— Сен уни ўзинг учун энг ноқулай рақиб деб ҳам айтдинг. Бу ҳам тажрибаси билан боғлиқми?

— Чунки у курашади, яхши зарба беради, деярли услубларимиз бир хил. Жисмоний куч жиҳатидан у мендан қолишмайди, балки кучлироқ ҳам бўлиши мумкин. Бу жуда рақобатли жанг бўлади. Балки кимдир "Махачев мағлуб бўлган Камаруни чақиряпти", деб ўйлар, лекин мен уни ҳали ҳам яхши формада деб ҳисоблайман", — деди Махачев.