Ислам Махачев нега Илия Топурия билан жангга қизиқаётганини айтди

- Икки ҳафтадан кейин сени Жек Делла Маддаленага қарши жанг кутмоқда. Лекин ҳамма Махачев - Топурия жанги ҳақида гапирмоқда, бу кун мавзуларидан бири. Бу жанг сен учун ҳам қизиқми?

- Менимча, ҳа. Жанг амалга ошса яхши бўларди. Мухлисларга ҳам қизиқ, менга ҳам. Чунки сиз айтгандек, кўп давраларда биринчи навбатда шу жанг ҳақида гапиришади.

- У ҳақда гапиришгани учун ҳам қизиқми? Ёки шахсан ўзинг жангга қизиқяпсанми?

- Унинг менга нима қизиғи бўлиши мумкин? Агар мен 70 кг га тушсам ва Илия Топурияни ютсам, у менга нима беради? Яна камар ютаманми? У менда бор. Одамларга биринчи навбатда у қизиқарли. Менга 70 кг гача бўлган вазнни ташлаш, яна ўзимни қийнаш қизиқ эмас. Менга 77 кг вазнда жанг қилиш, овқатланиш, лагерда хурсанд бўлиш ва жанг қилиш қизиқроқ", - деди Махачев "Матч ТВ" телеканалига берган интервьюсида.

Маълумот учун, Махачев сўнгги жангини 18 январь куни ўтказди. Ўшанда Лос-Анжелесда (Калифорния штати, АҚШ) бўлиб ўтган UFC 311 турнирининг марказий жангида Ислам бразилиялик Ренато Мойканони биринчи раунддаёқ бўғиш усули билан мағлуб этганди. Ислам учун бу енгил вазн тоифасида кетма-кет қўлга киритилган 14-ғалаба бўлган эди.