Ислам Махачев: "Оқ уйда жанг қилиш бўйича музокаралар давом этмоқда"

Россиялик 34 ёшли аралаш яккакураш устаси ўз камарининг илк ҳимоясини июнь ойида ўтказишни режалаштирмоқда. Унинг иштирокидаги жанг 14 июнь куни Оқ уй мезбонлик қиладиган UFC турнирида ўтказилиши ҳам эҳтимолдан холи эмас.

"Оқ уйдаги жанг бўйича музокаралар ҳали давом этмоқда, - деди Махачев журналистларга. - Менинг жанг санам - шу турнирнинг ёнида. Ҳозирча Оқ уйдаги жанг - энг эҳтимолий вариант. Камару Усман, Иан Гарри, Майкл Моралес каби потенциал рақибларим бор. Бу жанг ҳозир муҳокама қилинмоқда".

Шу билан бирга Махачев кейинги рақиби енгил вазн тоифасида UFC чемпиони Илия Топурия бўлиши ҳақидаги тахминларни рад этди. Унинг сўзларига кўра, ҳозирда UFC’нинг икки вазн тоифасидаги чемпионлари, қайси вазнда бўлишидан қатъи назар, энг кучли жангчилар рейтингида етакчилик қилаётган ҳар иккаласи ҳам ўз камарларини ҳимоя қилади.

"Унинг рақиби бор, - деди Махачев Топурия ҳақида. - Менинг ҳам тўрт нафар даъвогар рақибим бор. Кейин кўрамиз. Лекин у билан жанг бўлса ҳам, бу 77 кг вазнда амалга ошади. Енгил вазндаги жанг менга ҳеч нарса бермайди".

Норасмий маълумотларга кўра, Топуриянинг енгил вазн тоифасида UFC вақтинчалик чемпиони Жастин Гэтжига қарши жанги Оқ уйдаги турнирнинг асосий воқеаси бўлиши мумкин.