Ислам Махачев қоидаларни бузганми? Унинг ўзи жавоб қайтарди

Аввалроқ у Алекс Волкановскига қарши жанг олдидан тақиқланган "капельница" олганлиги маълум бўлганди. 

"Мен бунга муносабат ҳам билдириб ўтирмайман. Чунки бизда UFC билан ишлайдиган экспертлар бор. Бу - USADA. Мени жанггача, жангдан кейин ҳам тўрт маротаба текширишди. 

Кимдир менинг веналаримда кўкаришлар борлигини айтиб суратлар қўйди, аммо Австралияда ҳам уларнинг ўз комиссиялари бўлганди. Улар жанг ҳафтасининг чоршанба кунида қон олишганди. Сурат эса пайшанба кунги фотосессиядан эди. Кимдир бу мавзуни ишира бошлади. Аммо UFC ёки USADA томонидан хеч нарса бўлгани йўқ", - деди Махачев.