24 фев 22:35
Янгиликлар

Спорт курашлари

Исломжон Баҳромов Истанбул рейтинг турнири ғолиби!

Туркиянинг Истанбул шаҳрида спорт курашлари бўйича йилнинг дастлабки рейтинг турнири давом этмоқда.

Бугун мусобақанинг илк куни юнон-рум кураши бўйича беллашувларнинг ташкил этилаётгани ҳамда кундузги саралаш баҳсларидан сўнг 3 нафар курашчимиз олтин ва яна бир бронза медали учун гиламга чиқиши маълум бўлгани ҳақида хабар берган эдик.

Қувонарлиси, бироз аввал 63 кг вазн тоифасида юртимиз шарафини ҳимоя қилган Исломжон Баҳромов финал баҳсида молдовалик жаҳон чемпиони Виктор Чиобануга ҳеч қандай имконият қолдирмади. Номдор рақибини 9-0 ҳисобида мағлуб этган Баҳромов Истанбул рейтинг турнири ғолибига айланди.

Маълумот учун, Исломжон финалга қадар озарбайжонлик Талеҳ Маммадовни 8-2, туркиялик Раҳман Биличини 9-6, қирғизистонлик Дастан Кадировни 9-1 ҳисобида таслим этган эди.