25 ноя 09:08
Янгиликлар

Теннис

Испания - Дэвис Кубоги-2019 соҳиби!

Испания терма жамоаси янги форматда ўтказилган Дэвис Кубоги соҳибига айланди.

Хабар берганимиздек, Испания пойтахти Мадрид шаҳри терма жамоалар ўртасида норасмий жаҳон чемпионати ҳисобланган Дэвис Кубогига мезбонлик қилди.

Ҳал қилувчи финал учрашувида Испания терма жамоаси канадалик теннисчиларни 2:0 ҳисобида мағлуб этиб, Дэвис Кубоги соҳибига айланди. Рейтингнинг 15-поғонасидан жой олган Денис Шаповаловни 6/3, 7/6(7) ҳисобида мағлуб этган сайёрамизнинг биринчи ракеткаси Рафаэль Надаль терма жамоасига Кубокни тақдим этди.

Шу тариқа, Испания терма жамоаси ўз тарихида олтинчи бор Дэвис Кубогини қўлга киритди. Надаль терма жамоаси учун кетма-кет 31-учрашувда ғалаба қозонди. Рафа 2004 йилдан бери терма жамоаси таркибида ютқазмаяпти.