29 апр 07:06
Янгиликлар

Футбол

Испанияда 4 май кунидан машғулотларга рухсат берилиши кутилмоқда

Испания спорт совети мамлакат соғлиқни сақлаш вазирлигига ЛаЛига ўйинларини қайта бошлаш борасидаги режасини юборди.

"Marca" хабарига кўра, чемпионатни қайта бошлаш 4 босқичда амалга ошади. Дастлабки босқич 4 май кунида бошланади. Ушбу кундан эътиборан футболчиларга клуб базасига қайтишга ва индивидуал машғулотлар ўташига рухсат берилади.

18 май кунидан эътиборан футболчилар гуруҳ бўлиб машғулотларни бошлашади. Дастлаб ҳар бир гуруҳда 6 нафардан футболчи бўлса, 25 май кунидан бу 8 нафаргача оширилади. Учинчи фаза 1 июль куни бошланади.

Агарда эпидемиологик ҳолат яхши бўлса, футболчилар тўлиқ таркибда машғулотларни бошлайди. 5 июндан эътиборан ЛаЛига ўйинлари мухлисларсиз трибуналар остида бошланади. Агарда бунга ҳукумат рухсат бермаса, старт 12 июнь кунида амалга ошиши мумкин.