26 апр 12:59
Янгиликлар
Бокс/ММА
Исраэль Адесанья: "UFCдаги дебютим учун олти рақамли сумма олганман"
UFC собиқ чемпиони Исраэль Адесанья ўзининг UFCдаги дебют жанги ҳақида эслади.
"Мен UFCдаги дебют жангим учун барча каби 10+10 гонорар олмаганман (10 минг доллар жанг учун, яна 10 минг доллар ғалаба учун). Ўша жангда дарҳол олти рақамли (100 000 доллардан ортиқ) сумма олганман. Қўшимчасига эса яна 50 минг долларлик бонус ҳам бор эди.
Ўшанда барчанинг диққатини ўзимга қаратганман деб ўйлайман. Ўша кеча ким асосий жангда қатнашганди? Люк Рокхолд ва Йоэль Ромеро? Мен барча диққатни ўзимга тортиб олгандим. Ҳамма мен ҳақимда гапирарди — ва мен ўзимни дунё тепасида ҳис қилганман", — деди Адесанья.
Эслатиб ўтамиз, Адесаньянинг UFCдаги дебюти 2018 йил февраль ойида UFC 221 турнирида бўлган. У ўша жангда Роб Уилкинсонни иккинчи раундда техник нокаут билан мағлуб этган.
Ҳавола :
Манба : MMA Junkie
Фикрлар