Исроил Мадримов кечаги жангдан сўнг нималар деди?

Кечада боксчимиз Исроил Мадримов рингга кўтарилди ва ғалаба қозонди. Боксчимиз ғалабадан сўнг ўз жанг ҳақида фикр билдирди.

"Авваламбор яратганга шукур. Бугун ўз уйимизда мухлисларимиз, халқимиз ва оила аъзоларим олдида рингга кўтарилдим, улар мени жуда қаттиқ қўллаб-қувватлаб туришди. Жароҳатдан сўнг оғир жанг ўтказдим. Рақибим менга қадар барча жангида нокаутли ғалабаларни қўлга киритганди. Бу жанг орқали ўзимни жисмоний ҳолатимни текшириб олдим. Кейинги жангларимда ҳам жиддий тайёргарлик олиб боришга ҳаракат қиламан. Рақибим менга қарши жиддий қаршилик кўрсатди, жисмоний жиҳатдан анча кучли эканлигини исботлади. 

Ғалабамни президентимга, юртдошларимизга бағишлайман. Улар бизни тинмай қўллаб туришмоқда. Бу жароҳатимдан сўнг илк баҳсим бўлди, жароҳатим билинмади, бироқ машғулотларда янада кўпроқ ишлашим кераклигини билдим. Сабаби жанг вақтида ўзим истаганимдек кўп зарба бера олмадим. Жангнинг бошида асосан танага зарба бердим, кейинчалик бош қисмига ҳам зарбалар йўллашни бошладим.

 Нокдаундан сўнг мураббийларим шошилмасликни айтишди. Шошилиб жанг қилсак, хато қилиб қўйиш мумкин бўларди. Кейинги жангларда янада яхшироқ ҳаракат қилиб, чемпионлик камарини қўлга киритиш",-деди боксчимиз.