11 июл 14:45
Янгиликлар

Бокс/ММА

Исроил Мадримов кейинги жангини Британиянинг биринчи рақамли боксчисига қарши ўтказиши мумкин

Суперярим ўрта вазн тоифасидаги профессионал боксчимиз Исроил Мадримов (9-0-1) кейинги жангини британиялик Жеймс Меткалфга (25-2-0) қарши ўтказиши мумкин экан.

Бу ҳақда Matchroom промоутерлик компанияси раҳбари Эдди Хирн маълум қилган. Айни пайтда жанг бўйича томонлар музокара олиб боришяпти ва аҳамиятлиси, тўқнашув WBA жаҳон чемпионлик камари учун ўтказилиши мумкин. Бу борада WBA ташкилотига таклиф юборилган.

Ҳозирда суперярим ўрта вазн тоифасида WBA чемпионлик камари америкалик Жермелл Чарлога (35-1-1) тегишли бўлиб турибди. Мадримов эса WBA рейтингида биринчи рақамли даъвогар ҳисобланади. Унинг эҳтимолий рақиби бўлмиш Жеймс Меткалф эса ушбу рейтингда учинчи ўринда бормоқда.

Маълумот учун, Меткалф суперярим ўрта вазнда BoxRec рейтингида Буюк Британиянинг биринчи рақамли боксчиси сифатида қайд этилган.