Исроил Мадримовнинг бўлажак рақиби Усик-Фьюри реванш жангига тахмин билдирди

"Кўпчилик Александр Усик иккинчи жангнинг бошида осонгина ғалаба қозонишини айтишмоқда. Мен бунга қўшилмайман. Фьюри жуда ноанъанавий боксчи. У жангга "мешок" сифатида чиқиб, умуман боксчи бўлмаган Фрэнсис Нганнуни аранг енгиши ҳам мумкин.

Менимча, Фьюри бу жангга барларда тайёрланди. Шу билан бирга, у Кличко билан жангдагидек яхши ҳаракатлана олади ёки Уайлдердагидек оғир зарбалар бера олади. Тайсон жуда кўп қиррали жангчи, у оз вақт ичида ҳам стратегиясини ўзгартира олади.

Александр Усик барча мумкин бўлган сценарийларга тайёр бўлиши керак. Ўйлайманки, Александр очколар бўйича ғалаба қозонади. Балки Фьюри ўз тайёргарлигига жиддий қарамаса, нокаут бўлиши ҳам мумкин", деди Богачук.

Реванш 21 декабрга белгиланган. Худди ўша оқшомда Богачукнинг ўзи ҳамюртимиз Исроил Мадримов билан тўқнаш келади.