Istanbul Open. Тимофееванинг ҳам юриши бошланди

Мусобақада мамлакатимизнинг иккинчи ракеткаси Полина Кудерметова муваффақияти старт олган эди. Бироз аввал учинчи ракеткамиз Мария Тимофеева ҳам биринчи даврадан ўтиб олди. Турнирда олтинчи рақам остида сараланган Мария 1/16 финалда германиялик Нома Ноа-Акугуэни икки сет натижасига кўра мағлубиятга учратди - 6/4, 6/3. 

Тўқсон олти дақиқа давом этган баҳсда Тимофеева 2 та эйс зарбасини амалга оширди, 3 та қўшхатога йўл қўйди. Бу теннисчиларнинг ўзаро ўтказган илк учрашуви бўлди. 

Таққослаш учун, Мария Тимофеева айни пайтда WTA рейтингида 136, Нома Ноа-Акугуэ 166-ўринни эгаллаб турибди. Энди Мария эртага бизнинг вақт билан соат 13:00да бошланадиган 1/8 финал учрашувида рейтингнинг 647-поғонасидан жой олган латвиялик Аделина Чачиновага қарши кортга чиқади. 

Маълумот учун, Мария Тимофеева ва Полина Кудерметованинг йўллари 1/2 финалда тўқнаш келиши мумкин. Бунинг учун ҳар икки теннис маликаларимиз иккитадан учрашувда ғалаба қозонишлари шарт.