06 фев 07:33
Янгиликлар

Теннис

Истомин Даллас турниридаги иштирокини ғалаба билан бошлади

АҚШнинг Техас штати Даллас шаҳрида теннис бўйича "Челленжер" туркумига кирувчи турнир бўлиб ўтмоқда.

Соврин жамғармаси 108 минг 320 АҚШ доллардан иборат ушбу турнирда ҳамюртимиз Денис Истомин ҳам иштирок этяпти. Мусобақада 13-рақам остида таснифланган мамлакатимизнинг биринчи ракеткаси ўз иштирокини тўғридан-тўғри иккинчи босқичдан бошлади.

Истомин бу даврада чилилик Алехандро Табилога қарши кортга чиқди. ATP рейтингида 164-ўринни эгаллаб турган Денис 1 соату 56 дақиқа давом этган баҳс якунида 172-поғонадан жой олган рақибини 6:2, 4:6, 7:6(2) ҳисобида мағлубиятга учратди. Бу теннисчиларнинг ўзаро илк учрашуви эди. Бугун Истомин нимчорак финал баҳсида дунёнинг 92-ракеткаси, германиялик Доминик Кёпферга қарши кортга чиқади.