28 апр 18:34
Янгиликлар

Теннис

Истомин Германия турнирининг асосий тўрига чиқди

Германиянинг Мюнхен шаҳрида теннис бўйича нуфузли турнирнинг саралаш баҳслари якунига етиб бормоқда.

Ушбу мусобақада мамлакатимизнинг биринчи ракеткаси Денис Истомин ҳам иштирок этяпти. Дунё рейтингида 106-ўринни эгаллаб турган Истомин кеча саралашнинг илк даврасида германиялик Штебени 6:3, 7:6(5) ҳисобида мағлуб этганди.

Истомин ҳозиргина якунига етган саралашнинг финал баҳсида ATP рейтингининг 75-поғонасидан жой олган ҳиндистонлик Пражнеш Гуннесваранга қарши кортга чиқди. Уч сет давом этган қийин учрашувда Денис рейтингда ўзидан юқорида турган рақибини 4:6, 6:2, 6:2 ҳисобида мағлуб этиб, асосий тўрга йўл олди.