28 апр 07:46
Янгиликлар

Теннис

Истомин Германиядаги турнирни ғалаба билан бошлади

Германиянинг Мюнхен шаҳрида теннис бўйича нуфузли ATP турнирининг саралаш баҳслари давом этмоқда.

Ушбу мусобақада мамлакатимизнинг биринчи ракеткаси Денис Истомин ҳам иштирок этяпти. Дунё рейтингида 106-ўринни эгаллаб турган Истомин кеча саралашнинг илк даврасида кортга чиқди.

Денис саралаш баҳсларига имтиёзли йўлланма асосида қўйилган германиялик теннисчи Штебени 6:3, 7:6(5) ҳисобида мағлуб этди. Бугун Истомин асосий тўрга йўлланма берувчи учрашувда рейтингнинг 75-поғонасидан жой олган ҳиндистонлик Пражнеш Гуннесваранга қарши баҳс олиб боради.