10 фев 09:41
Янгиликлар

Теннис

Истомин Нью-Йоркда 122 дақиқалик учрашув ўтказди

АҚШнинг Нью-Йорк шаҳрида теннис бўйича эркаклар ўртасида мукофот жамғармаси 804 180 АҚШ долларини ташкил этувчи мусобақа старт олди.

Турнирнинг саралаш босқичи доирасида Ўзбекистоннинг биринчи ракеткаси Денис Истомин ҳам иштирок этди. Теннисчимиз австралиялик Бернард Томичга қарши кортга чиқди. Икки соату икки дақиқа давом этган қийин баҳсда Томич 7:6(5), 4:6, 7:6(5) ҳисобида ғалаба қозониб, саралашнинг финал ўйинига йўл олди.

Таққослаш учун, Денис Истомин айни пайтда жаҳон рейтингида 164, Бернард Томич эса 190-ўринни эгаллаб турибди.