30 янв 09:16
Янгиликлар

Теннис

Истомин океан орти турниридаги иштирокини ғалаба билан бошлади

АҚШнинг Ньюпорт шаҳрида теннис бўйича "Челленжер" туркумига кирувчи турнир бўлиб ўтмоқда.

Мукофот жамғармаси 162 480 АҚШ долларини ташкил этган мусобақада ҳамюртимиз Денис Истомин ҳам ўз омадини синаб кўряпти. Турнирда 15-рақам остида таснифланган Истомин иккинчи давра учрашувида ғалабага эришди.

Теннисчимиз америкалик Секу Бангурани 1 соату 49 дақиқа давом этган баҳсда 7:6(6), 6:4 ҳисобида мағлуб этди. Истомин ATP рейтингида 170, Бангура эса 307-ўринни эгаллаб турибди. Ўз иштирокини тўғридан-тўғри иккинчи босқичдан бошлаган ҳамюртимиз нимчорак финалда дунёнинг 50-ракеткаси, америкалик Фрэнсис Тиафога қарши кортга чиқади.