Истомин ўзидан деярли 200 поғона юқоридаги рақибни таслим этди

Мукофот жамғармаси 45,730 еврони ташкил қилувчи мусобақада ҳамюртимиз Денис Истомин ҳам муваффақиятли иштирок этяпти. Тажрибали теннисчимиз саралашнинг илк даврасида турнирга имтиёзли равишда қўйилган португалиялик Гильерме Валдолейросни 6/1, 6/1 ҳисобида мағлуб этганди. 

Саралашда саккизинчи рақам остида таснифланган Истомин асосий тўрга йўлланма берган саралашнинг финал учрашувида турнирнинг учинчи ракеткаси, қозоғистонлик Денис Евсеевдан ҳам устун келди - 6/3, 6/3. 

Таққослаш учун, Денис айни пайтда ATP рейтингида 479, Евсеев эса 295-ўринни эгаллаб турибди. Энди теннисчимиз асосий тўрнинг илк даврасида турнирнинг биринчи ракеткаси, дунё рейтингида 93-ўринда бораётган португалиялик Нуно Боргесга қарши кортга чиқади.