28 ноя 10:10
Янгиликлар

Теннис

Истомин Португалиядаги иштирокини ғалаба билан бошлади

Португалиянинг Мая шаҳрида теннис бўйича "Челленжер 80" туркумига кирувчи турнир старт олди.

Мукофот жамғармаси 45,730 еврони ташкил қилувчи мусобақада ҳамюртимиз Денис Истомин ҳам иштирок этяпти. Тажрибали теннисчимиз саралашнинг илк даврасида турнирга имтиёзли равишда қўйилган португалиялик Гильерме Валдолейросни 6/1, 6/1 ҳисобида мағлуб этди.

Саралашда саккизинчи рақам остида таснифланган Истомин бугун асосий тўрга йўлланма берувчи саралашнинг финал учрашувида қозоғистонлик Денис Евсеевга қарши кортга чиқади. Денис айни пайтда ATP рейтингида 479, Евсеев эса 295-ўринни эгаллаб турибди. Икки Денис ўртасидаги баҳс соат 18:30да бошланади.