19 фев 08:06
Янгиликлар

Теннис

Истомин - Раонич. Теннисчилар ўзаро бешинчи баҳсда тўқнаш келишди

АҚШнинг Флорида штати Делрей-Бич шаҳрида теннис бўйича нуфузли ATP турнири давом этмоқда.

Мукофот жамғармаси 673 655 АҚШ долларини ташкил этувчи мусобақада ҳамюртимиз Денис Истомин ҳам иштирок этаётганди. Гарчи саралашда мағлубиятга учраган бўлса-да, теннисчимизга турнир ташкилотчилари LL-Лаки Лузер, яъни бахтли ютқазган теннисчи учун аталган асосий тўр чиптасини тақдим этишганди.

Афсуски, Денис бу имкониятдан фойдалана олмади. Мамлакатимизнинг биринчи ракеткаси дунё рейтингида 37-поғонадан жой олган, Дейрей-Бич турнирида иккинчи рақам остида сараланган канадалик Милош Раоничга 2:6, 2:6 ҳисобида ютқазиб қўйди. Раонич ўзаро учрашувларда энди 5:0 ҳисобида олдинга чиқиб олди.