ISU фигурали учиш бўйича ёшлар ўртасидаги гран-при учун Ўзбекистонга тўртта йўналишда жами 9 та йўлланма ажратди

Унга кўра, Ўзбекистон фигурали учиш терма жамоаси учун барча тўрт йўналиш — йигитлар, қизлар, жуфтлик ҳамда рақс дуэтида йўлланмалар ажратди.

Йигитлар ҳамда қизлар ўртасидаги беллашувларда вакилларимиз Туркия (27-30 август) ҳамда Озарбайжондаги (24-27 сентябрь) гран-при босқичларида иштирок этишади.

Жуфтлик йўналишида эса Латвия (20-23 август), Туркия (27-30 август) ва Таиланддаги (9-13 сентябрь) босқичларда чиқиш қиламиз. Рақс дуэти бўйича фигурали учувчиларимиз ҳам Туркия (27-30 август) ҳамда Озарбайжондаги (24-27 сентябрь) гран-при босқичларида баҳс олиб боришади.

Ҳозирча Ўзбекистон МОҚ ёки мавжуд бўлмаган Ўзбекистон қишки спорт турлари ассосиацияси матбуот хизмати мусобақаларда юртимиз шарафини ҳимоя қилиши мумкин бўлган спортчилар ҳақида маълумот берганича йўқ.