04 июн 13:52
Янгиликлар

Теннис

ITF директорлар кенгаши: Турнирлар сентябрдан олдин бошланмайди

Эркаклар ва аёллар ўртасидаги барча нуфуздаги расмий ATP ва WTA мусобақалари сентябрь ойидан олдин ўтказилмайди.

Бу маълумотни Халқаро теннис федерацияси (ITF) директорлар кенгаши аъзоси, Швейцария теннис федерацияси президенти Рене Штаммбах ҳам тасдиқлади.

"Ҳар қандай нуфуздаги турнирларни куз ойигача ўтказмаслигимиз ҳақиқатга яқин. Ҳатто шундай тахминлар ҳам йўқ эмаски, бу йил умуман мусобақаларни кўрмаймиз. Балки, "Ролан Гаррос" ва US Open турнирлари мухлисларсиз ўтказилар. Чунки, бу икки турнирнинг ҳомийлари жуда бақувват", - деди Штаммбах.