10 сен 11:31
Янгиликлар

Спорт курашлари, Кураш

Жаҳон чемпионати. Эркин курашчиларимиздан 2та медал

Греция пойтахти Афина шаҳрида спорт курашлари - эркин, юнон-рум ва аёллар кураши бўйича ўсмирлар ўртасидаги жаҳон чемпионати давом этмоқда.

Мусобақанинг эркин кураш баҳсларида ҳамюртларимиздан икки нафари шохсупага кўтарилди. -42 кг вазн тоифасида гиламга чиққан Умиджон Жалолов финалга қадар мағлубиятсиз етиб бориб, жаҳон чемпионатининг кумуш медали билан тақдирланди.

У ҳал қилувчи финал беллашувида озарбайжонлик Алиҳасан Амирлига 0:1 ҳисоида ютқазиб қўйди. Жалолов финалгача мўғулистонлик Хишигдош Батбаярни 10:0, эронлик Меҳрдод Маҳди Вейсини 4:1, грузиялик Гиорги Тчоладзени 6:4, ярим финалда эса туркиялик Юсуф Эричелни 10:0 ҳисобида таслим этди.

Жаҳон чемпионатининг бронза медали Фаррух Шариповга насиб этди. -50 кг вазн тоифасидаги курашчимиз бронза медали учун кечган баҳсда туркиялик Доган Карадан устун келди.