09 ноя 07:33
Янгиликлар

Самбо

Жаҳон чемпионати ўзбек самбочилари учун муваффақиятли бошланди

Теглар : Самбо

Қозоғистоннинг Астана шаҳрида самбо бўйича катталар ўртасида жаҳон чемпионати старт олди.

Кеча, мусобақанинг биринчи кунида уч нафар ҳамюртимиз медаль қўлга киритишга муваффақ бўлди. Эркаклар ўртасидаги -58 кг вазн тоифаси баҳсларида Илҳом Пармонов барча рақибларини мағлубиятга учратган ҳолда, олтин медалга сазовор бўлди.

Шунингдек, аёллар ўртасидаги баҳсларда Гулсевар Ўроқова, жанговар самбода эса Соҳибжон Ҳасанбоев кумуш медални қўлга киритди. Шу тариқа, ЖЧнинг илк кунидан сўнг Ўзбекистон терма жамоаси 1 та олтин, 2 та кумуш медалга эга бўлиб турибди.

-58 кг: Илҳом Пармонов (олтин)

-54 кг: Гулсевар Ўроқова (кумуш)

-88 кг: Соҳибжон Ҳасанбоев (жанговар самбо) (кумуш)