16 мар 13:33
Янгиликлар

Хоккей

Жаҳон чемпионатида энг яхши хоккейчи деб топилган Азимов Тошкентда уларга ҳеч нарса берилмаганидан норози (ФОТО)

Хабарингиз бор, 2-8 март кунлари Гонконгда хоккей бўйича U-18 ёш тоифасидаги Жаҳон чемпионатининг IIIA дивизиони баҳслари ўтказилган эди.

Мусобақада иштирок этган Ўзбекистон ёшлар терма жамоаси дивизионда Гонгконг, Исроил, Туркия, Болгария ва Янги Зеладния устидан ғалаба қозониб, биринчи ўринни эгаллаган ҳолда IIB дивизионига йўлланмани қўлга киритган эди.

Турнирнинг энг яхши ўйинчиси деб топилган Салоҳиддин Азимов кеча Instagram саҳифаси орқали мухлисларга қуйидагича мурожаат қилди:

"Кўпчилик мендан сўраётган саволга жавоб бермоқчиман. "Сиз Жаҳон чемпионатида ғолиб чиқдингиз, финалда рақиб жамоани мағлуб этдингиз ва бутун Ўзбекистонни хурсанд этдингиз. Тошкентга қайтганингизда сизга нима беришди?". Жавоб қуйидагича: Ҳеч ким ҳеч нарса бермади. Олға Ўзбекистон", деб ёзган спортчи.